You Re Beautiful

ألدراما الكورية You Re Beautiful

بالعربي= أنت جميلة

انتاج عام 2009

تو قبل شهرين تقريبا بدأوا بعرضها

الدراما تحكي عن فرقة غناء يتركها أحد أعضائها ويتم استبدالها بشقيقته التوأم والتي تظهر فوق في الصور:)

الفرقة ماتدري ان العضو الجديد هو بالحقيقة فتاة ^^ وبالاخير رئيس الفرقة يقع في غرام العضو الجديد

الدراما هذه هي اول دراما اشوفها اون لاين

قعدت اشوفها في الو فن وهو موقع يعرض الدرامات الاسيوية بترجمة عربية

اول حلقة ماتحمست لها ابد بس اني كنت من زمان عن الدرامات ومره ودي اشوف اي دراما خخخخ

بس بعدين من الحلقة الثانية والثالثه بدأت أدمن عليها بصراحه

إلا أني لسه بالحلقة الـ 15 وهي الحلقة ماقبل الاخيرة ^^

خلينا مع مزيد من الصور:

هذه الصورة لواحد من الاعضاء اللي يحب البطلة مينام (العضو الجديد) بإخلاااااص وهو اللي بصراحه انقهرت عليه مره

لأنه هو اللي حسيته يحبها صدق!

بعدين هو حبها من اول ماشافها مع انها كانت متستره بهيئة ولد...طبعا هو عرف انها بنت وحبها على طول من اول نظره ^^

وهذه هي سالفتي اليوم خخخخخخ انه دايم بالدرامات نشوف البنت تحب الولد الغلط وتترك الولد الي يحبها اكثر

أو ..الولد يحب البنت الغلط ويترك البنت اللي تحبه صدق

وطبعا هذا يصير في الحياة الواقعية ^^     =>>> بالله ماتنقهرون ؟

صورته هذي طحت عليها فترة خليتها خلفية الدسكتوب حقي :) مع اني ماحبيت الممثل مدري ليه حسيت انه ثقيل دم

يمكن عشان كذا مينام ماحبته خخخخخخ

بس كانت اصلا بداية دخول موسم الشتا عندنا والجو كان جو ينفع للباربكيو ^^ فالصورة مره تنفع لهالموسم

طبعا في عالم المحبين المحبين فيه اللي يحب من كل قلبه بس يكون حبه من طرف واحد وهذا اللي يصير مع راعي الصورة اللي فوق :)

وفيه اللي "ينحب" من الاعماق بس مايكتشف الا بعدين، وبعدها يبدأ بالتجاوب ^^ وهذا اللي يصير مع رئيس الفرقة اللي تحبه مينام!

الشخص اللي تحت هو العضو الثالث في الفرقه بالاضافة الى مينام:

هذا الممثل هو عضو فرقة FT Island ودوره هنا هوجيريمي العضو الصغير اللطيف والحبوب

وهو مصدر سعادة مينام !!
في الحلقة الـ 15 تعترف مينام لنفسها انه هو اكثر شخص في الفرقة يضحكها ^^
وانها دائما اذا كانت معاه تبتسم ....وهو قبل كم حلقة يطلع يحب مينام بعد خخخخخ بس انه يتفق هو ومينام انه من ينزل من الباص
رح يرجع لطبيعته المرحة ويعاملها كأخت مرة أخرى
بعدما شفت الحلقة...استنتجت فعلا انه الحب مب شرط هو مصدر سعادة البشر!
مينام سعيدة بحبها لتاي كيونغ (رئيس الفرقة) بس برضو عمرها ماتهنت بحبها له...يعني بالعربي عانت الكثير والكثير
قبل يعرف عن مشاعرها...ولمن عرف عنها وبدأ هو يحبها..لازالت المعاناة تتخلل علاقتهم لانه كثير كانوا يبون يخربون
عليهم مثل المصور اللي بيكتشف حقيقة مينام ومثل ومثل ومثل ..!
متى نشوف مينام وهي تضحك اكثر شي؟

7
7
7
لمن تكون مع جيريمي :)
لانه يضحكها اكثر شي



الحب هو شي اساسي وغذاء عاطفي للروح بس انه في غالب الاحيان تقترن معه المعاناة والشقاء والغيرة ...الخ.
مع مزيد من الصور:

هذه الصورة يظهر فيهاالممثل في موقع التصوير:

طبعا انا قعدت احوس بيوتيوب وبقوقل واكتشفت انه الممثل Jang هذا والممثلة اللي تمثل دور مينام، هم بالفعل قريبين من بعض^^ وشكلهم مره اصحاب بس مو عاد تفكرون تفكير ثاني خخخخ :)

مثلما تشوفون بالصورة تحت:

وعلى فكرة فكرة هذا الممثل هو اللي مثل الفيلم الكوري Baby & Me والدراما بتهوفن فيروس

بس انه شكله مره تغير بالدراما الجديدة هذه خخخخخخ


سؤالي اللي بختم فيه موضوعي هو :

أي الاعضاء في هالدراما اللي تفضلون يكون هو اللي تحبه مينام ؟

1) تاي كيونغ ( رئيس الفرقة )

2) كانغ شين وو (اللي يحب مينام من كل قلبه بس تتركه)

3) جيريمي المرح