من أطرف المشاهد اللي مرت علي في دراما

أصلا اللي دمه ثقيل يروح يتابع له My Girl عشان يصير دمه خفيف :))

بصراحه هذه اول دراما مهستره شفتها في حياتي!!

_من بعد My boss My Hero_ طبعا ^^

فعلا فعلا فعلا

الممثلة اللي بدور جيورين

كانت اكثر من خفيفة دم

لدرجة حسيت انها هي كذا ببيتهم خخخخخخ

مدري توافقوني الرأي مع هالدراما؟؟ 

اذا ماتوافقون.......خلني احدد لكم مشهد او مشهدين في هالدراما عشان

توافقون بالاخير خخخخخخ

طبعا تمنيت اني ادعم مشاهدي الطريفة بمقاطع فيديو

لكن للأسف مالقيت :(

من المشاهد الطريفة الي علقت ببالي وكلما اتذكرها اموت ضحك

~ لمن بدأت تحس جيورين انها فعلا معجبة بهذاك ..=>>اهم شي اني ناسيه اسماءهم :)

P.S=هذاك يعني البطل حق الدراما^^

وكانوا في البيت وهي كانت بغرفتها بالتحديد وسمعت صوت خطواته قرب من غرفتها

وعلى ما اذكر كانت زعلانه منه وتبي تبين له انها نايمة وماتبي تكلمه

فأول ماسمعت صوته جاي ..إلا تررررركض وتقفز على فراشها

ومن غبائها او من سرعتها (واحده منهم او كلهم خخخ ) ضرب راسها مرتبة السرير خخخخخخخخخخ

~اللي شايف انه المشهد مايضحك..يروح يشوفه :)

بس ياحياتي رحمتها عورها راسها وبنفس الوقت ماعندها وقت تتألم هههههههه

تبغى تسوي حالها نايمة قال :(

هذا المشهد قعدت اعيد واعيد واعيد فيييه الييييييييين طلع من خشمي ههههههه

والله مشهد من اطرف المشاهد الي شفتها !

~ المشهد الثاني هو اكييييد كلكم بتقولون اييييه  : لمن كانت تتحمم بالحمام و من الموية زلقت على الارض

ولاعاد حست بجسمها

وكان هو جاي يبي يكلمها وقاعد ينادي فيها وهي ماترد

وبالاخير قرر انه يفتح باب الحمام لانه مفكر انه يمكن صار لها شي

خخخخخخخخخخ

اللي ماشاف المشهد فاته نص عمره :))

*لإقتراح دراما فيها مشاهد طريفة او حتى برامج _وانا عارفه بتقولون ستار كينج بس اصبروا علي انا هالموضوع بخليه موضوع دائم..يعني كل فتره وفتره بكتب لكم عن مشاهد طريفة..لان احس هذا الموضوع راعي فرفشه ورح يخلينا نتشارك احلا الدرامات بمشاهدها الطريفة عشان نفيد بعض_ انا اشجعكم تتركون تعليقات ورا الموضوع وتقترحون علي دراما معينة او حتى تشاركوني بمشهد طريف وبحطه بالسلسلة القادمة بإذن الله...اتمنى تساندوني في هذه المدونة ^^ فايتينق! *