من أطرف المشاهد اللي مرت علي في دراما

أصلا اللي دمه ثقيل يروح يتابع له My Girl عشان يصير دمه خفيف :))

بصراحه هذه اول دراما مهستره شفتها في حياتي!!

_من بعد My boss My Hero_ طبعا ^^

فعلا فعلا فعلا

الممثلة اللي بدور جيورين

كانت اكثر من خفيفة دم

لدرجة حسيت انها هي كذا ببيتهم خخخخخخ

مدري توافقوني الرأي مع هالدراما؟؟ 

اذا ماتوافقون.......خلني احدد لكم مشهد او مشهدين في هالدراما عشان

توافقون بالاخير خخخخخخ

طبعا تمنيت اني ادعم مشاهدي الطريفة بمقاطع فيديو

لكن للأسف مالقيت :(

من المشاهد الطريفة الي علقت ببالي وكلما اتذكرها اموت ضحك

~ لمن بدأت تحس جيورين انها فعلا معجبة بهذاك ..=>>اهم شي اني ناسيه اسماءهم :)

P.S=هذاك يعني البطل حق الدراما^^

وكانوا في البيت وهي كانت بغرفتها بالتحديد وسمعت صوت خطواته قرب من غرفتها

وعلى ما اذكر كانت زعلانه منه وتبي تبين له انها نايمة وماتبي تكلمه

فأول ماسمعت صوته جاي ..إلا تررررركض وتقفز على فراشها

ومن غبائها او من سرعتها (واحده منهم او كلهم خخخ ) ضرب راسها مرتبة السرير خخخخخخخخخخ

~اللي شايف انه المشهد مايضحك..يروح يشوفه :)

بس ياحياتي رحمتها عورها راسها وبنفس الوقت ماعندها وقت تتألم هههههههه

تبغى تسوي حالها نايمة قال :(

هذا المشهد قعدت اعيد واعيد واعيد فيييه الييييييييين طلع من خشمي ههههههه

والله مشهد من اطرف المشاهد الي شفتها !

~ المشهد الثاني هو اكييييد كلكم بتقولون اييييه  : لمن كانت تتحمم بالحمام و من الموية زلقت على الارض

ولاعاد حست بجسمها

وكان هو جاي يبي يكلمها وقاعد ينادي فيها وهي ماترد

وبالاخير قرر انه يفتح باب الحمام لانه مفكر انه يمكن صار لها شي

خخخخخخخخخخ

اللي ماشاف المشهد فاته نص عمره :))

*لإقتراح دراما فيها مشاهد طريفة او حتى برامج _وانا عارفه بتقولون ستار كينج بس اصبروا علي انا هالموضوع بخليه موضوع دائم..يعني كل فتره وفتره بكتب لكم عن مشاهد طريفة..لان احس هذا الموضوع راعي فرفشه ورح يخلينا نتشارك احلا الدرامات بمشاهدها الطريفة عشان نفيد بعض_ انا اشجعكم تتركون تعليقات ورا الموضوع وتقترحون علي دراما معينة او حتى تشاركوني بمشهد طريف وبحطه بالسلسلة القادمة بإذن الله...اتمنى تساندوني في هذه المدونة ^^ فايتينق! *

ترقبوا موضوع عن اطرف المشاهد اللي مرت علي في الدرامات ^^

formspring.me

Ask me anything http://formspring.me/noufturki

http://www.cksu.com/vb/t195064/

http://www.cksu.com/vb/t195064/

هذا الرابط حق موضوع الاخت مها المري _طالبة معي بجامعة الملك سعود_ تكتب فيه دعوة لمن ترغب بالستجيل في دورة في اللغة اليابانية..

من واجب معرفتي بها كـ "طالبة لها في كلاس ياباني في الجامعه ^^"  حبيت اضيف رابطها في مدونتي للي تبي تشوفه :)

طبعا مها المري طالبة حماسيه بكل معنى الكلمة..تعشق اللغة اليابانية وتتقنها و "تعلمها" :) وهي بنفس مستواي الدراسي في الجامعه ^^ ماشا الله عليها.

وهي مديرة النادي الثقافي في كلية اللغات و لديها مسؤوليات اخرى لا حصر لها :)

الفرقة الكورية U-Kiss

هذه الفرقة ماعرفت عنها الا بالمصادفه من خلال برنامج كوري...ومارح تصدقون شكثر هالفرقه تحمل من مفاجآت !!
أعضائها رغم صغر سنهم إلا أنهم فعلا فعلا مميزين وفيه معلومات راااااااائعه رح احكيها لكم في موضوعي اليوم...

المصادفه كانت اني كنت يومن من الايامي اتفرج على قناة KBS الكورية :)  ومن الفراغ كنت اشوف فيها برنامج كوري مو مترجم لا عربي ولا انجليزي :) ومن الفهاوة داخله جو معهم وانا مافهم ولا كلمة =>>> الادمان غباء في معظم حالاته خخخخخ

وكان البرنامج (عندي له صورة تصدقون...بحطها لكم تحت ..بس تابعوا) فيه ولد شعره احمر ...وهو ساكت يكون شكله عادي مو ملفت للنظر..بس لين ضحك ................. :) 

مدري هو الواحد لمن يشوف شي مو مترجم ويكون مركز ع الوجيه بس :) طبيعي يصير كذا ؟؟
اما هذه او انه الولد صدز  خاقوقي خخخخخخ

اذكر دقيت على صديقتي وقلت لها (___) الحقيييييييييييييييييييييييييييييي شوفي فيه ولد سمعت انه اسمه dongho من فرقة U_Kiss التي لا اعرفها ^^ وشكله كيووووووووووووووت

طبعا هذه اول مره اعرف ان فيه شي اسمه U_Kiss  ولمن قلت لصاحبتي، راحت دورت بقوقل عن صورهم ورجعت قالت لي..."معليه بس كلهم شيون مافيه واحد منهم زين !!" =>>> طبعا منقول بشكل غير حرفي 100% لان هذه طبيعة البشر :)

ومر وقت طووووووووووويل لحد ليلة أمس...وفجأة طرى على بالي اسوي عنهم موضوع...وبدال ما القى المزيون اللي ادور عليه خخخخخ لقيت واحد خاقوقي اخر :

العضو الملك جمال الذي لا اعتبره اجمل من Lee Junki ولكنه حتما شي خخخخخ واسمه Eli من فرقة U_kiss :

:)

طبعا انا كنت مو متذكره شكل هذاك الولد اللي شعره احمر _اللي شفته بالبرنامج اللي مو مترجم_ فلمن دخلت صفحتهم بفيس بوك لقيت البوم خاص بـ Eli وقلت يمكنه هو نفسه العضو!  لكني اكتشفت انه عضو ثاني معهم

صور زيادة له ...استمتعوا في مطالع خشته:

مو مقتنعين  ؟ تبون صواريخ زيادة؟ :

Eli مما قرأت عنه بالنت انه مولود بأمريكا وعاش طفولته هناك

يعرف انجليزي طبعن :)

لكن عضو آخر في U_Kiss تغلب عليه من ناحية اللغة ...ورح تعرفون وش السالفه بس بعدما نشوف صور الكيوت أبو شعر احمر اللي كنت انا وصاحبتي ندور على صوره:

اسمه Dongho :

 تراه بزر عمره 15  خخخخخ

الآن خلينا نبدأ بسرد مفاجآاتنا ونستكشف اعضاء U-Kiss

قبل خلوني اوريكم صورة جماعيه للفرقه :

المفاجأة الاولى 1)  ركزوا على رابع واحد من اليمين...اللي هو Kim Ki Bum
.
.
.
.
.
هاه شفتوه؟ موب شين صح؟  :)  تخيلوا مين يطلع اخوه؟؟؟؟؟؟؟؟؟
اخوه هو الخاقوقي Kim Hyong Joon أللي بفرقة ss501  :

طبعا هو اللي بالوسط يشوف الجوال :)

صدمه حضاريه صح؟ ^^ 
عاد مره حبوب مع اخوه ودايم يجي حفلاته ويسانده ...خاقوقي + حليل = زوجي المستقبلي :)


المفاجأه نمبر تو 2)
عندي تواقيع U-Kiss !!!!
D:  طبعا من النت مو من عندي !

هذه المفاجآه تتخللها مفاجآت أخريات ..يعني لاتجوني تصرقعووون تقولون انتي قلتي لنا فيه مفاجآآآآآت ولا لقينا الا 1) و 2)  !!

هذا هو وخويه اللي بوريكم صورته بعده على طول: عرفتهم من برنامج هذيك المذيعة Izac في قناة Arirang

وداااااااااايم اشوفهم فيه وماكنت ادري انهم اعضاء في فرقة U-Kiss لاني اصلا ماكنت اعرف هالفرقه خخخخ

اسمه Alexander وعلى فكره هذا اسمه الصدقي :)

ابوه تايواني وامه كوريه..يتكلم  ((7)) لغااااااااات !!! ماشا الله

عشان كذا قلت انه غلب Eli من ناحية اللغة

لانه يتكلم :

انجليزي

اسباني

فرنسي

ياباني

كوري

<برتغالي>

ولغة ثانيه اسمها صعب :)

حتى من توقيعه رح تعرفون انه انسان مثقف وذكي  وحاولوا تقارنون توقيعه بباقي تواقيع زملاءه وبتلاحظون انه غير عنهم:

منيب قايله لكم هع

.

.

.

.

لا لا امزح بس بخليها اخر شي عشان تقارنون بأنفسكم :)

خويه الثاني اللي دايم اشوفه معاه بالبرنامج اسمه Kevin =>>مب اسمه الصدقي خخخخ

هو و Alexander يتكلمون انجليزي مع آيزاك _المذيعه_ في البرنامج...بس كيفن دايم يضحك ولايمسك نفسه

وهذا شي حلو طبعا ..بس الكساندر دايم نشوفه هو اللي يصحح الوضع وينقذه...هو اللي دايم يصحح كلام كيفن...وهذا الاحلى بالنسبه لي..يعني ماشا الله عليه شي نادر نشوف ذكاء واتزان في شاب صغير بمثل عمره!

بس مو داخل مزاجي ان الكساندر مغني ويغني بفرقه خخخخخخ

ماش.. شخصيته مو راكبه على وظيفته!

نشوف توقيع Eli :

Eli متواضع شحليله ...اذا يمديكم تقرون: كاتب " خربطت في توقيعي هنا هههههه"  =>>> توقيعه حوسه شوي خخخخ


كلهم خطوطهم صغيره بس Kevin أللي خطه واضح و مره حلو ماشا الله
للأسف اكتشفت اني ماخزنت توقيعه:(
 ليش توقيع الكساندر جدا مميز؟ لانه هو الوحيييييد من بين كل التواقيع اللي كتب  (التاريخ) تحت!...يدلك على شخصيته الذكيه ماشا الله

بالاخير صور جماعيه للقروب واتمنى  موضوعي قد نال اعجابكم واعذروني ع القصور وان شا الله الفتره الجايه رح امسك فرق كثيره واحكي لكم عنها :×  اتمنى تنتظرون مواضيعي الجايه وتدعموني بمتابتعكم وتعليقاتكم ^^

You Re Beautiful

ألدراما الكورية You Re Beautiful

بالعربي= أنت جميلة

انتاج عام 2009

تو قبل شهرين تقريبا بدأوا بعرضها

الدراما تحكي عن فرقة غناء يتركها أحد أعضائها ويتم استبدالها بشقيقته التوأم والتي تظهر فوق في الصور:)

الفرقة ماتدري ان العضو الجديد هو بالحقيقة فتاة ^^ وبالاخير رئيس الفرقة يقع في غرام العضو الجديد

الدراما هذه هي اول دراما اشوفها اون لاين

قعدت اشوفها في الو فن وهو موقع يعرض الدرامات الاسيوية بترجمة عربية

اول حلقة ماتحمست لها ابد بس اني كنت من زمان عن الدرامات ومره ودي اشوف اي دراما خخخخ

بس بعدين من الحلقة الثانية والثالثه بدأت أدمن عليها بصراحه

إلا أني لسه بالحلقة الـ 15 وهي الحلقة ماقبل الاخيرة ^^

خلينا مع مزيد من الصور:

هذه الصورة لواحد من الاعضاء اللي يحب البطلة مينام (العضو الجديد) بإخلاااااص وهو اللي بصراحه انقهرت عليه مره

لأنه هو اللي حسيته يحبها صدق!

بعدين هو حبها من اول ماشافها مع انها كانت متستره بهيئة ولد...طبعا هو عرف انها بنت وحبها على طول من اول نظره ^^

وهذه هي سالفتي اليوم خخخخخخ انه دايم بالدرامات نشوف البنت تحب الولد الغلط وتترك الولد الي يحبها اكثر

أو ..الولد يحب البنت الغلط ويترك البنت اللي تحبه صدق

وطبعا هذا يصير في الحياة الواقعية ^^     =>>> بالله ماتنقهرون ؟

صورته هذي طحت عليها فترة خليتها خلفية الدسكتوب حقي :) مع اني ماحبيت الممثل مدري ليه حسيت انه ثقيل دم

يمكن عشان كذا مينام ماحبته خخخخخخ

بس كانت اصلا بداية دخول موسم الشتا عندنا والجو كان جو ينفع للباربكيو ^^ فالصورة مره تنفع لهالموسم

طبعا في عالم المحبين المحبين فيه اللي يحب من كل قلبه بس يكون حبه من طرف واحد وهذا اللي يصير مع راعي الصورة اللي فوق :)

وفيه اللي "ينحب" من الاعماق بس مايكتشف الا بعدين، وبعدها يبدأ بالتجاوب ^^ وهذا اللي يصير مع رئيس الفرقة اللي تحبه مينام!

الشخص اللي تحت هو العضو الثالث في الفرقه بالاضافة الى مينام:

هذا الممثل هو عضو فرقة FT Island ودوره هنا هوجيريمي العضو الصغير اللطيف والحبوب

وهو مصدر سعادة مينام !!
في الحلقة الـ 15 تعترف مينام لنفسها انه هو اكثر شخص في الفرقة يضحكها ^^
وانها دائما اذا كانت معاه تبتسم ....وهو قبل كم حلقة يطلع يحب مينام بعد خخخخخ بس انه يتفق هو ومينام انه من ينزل من الباص
رح يرجع لطبيعته المرحة ويعاملها كأخت مرة أخرى
بعدما شفت الحلقة...استنتجت فعلا انه الحب مب شرط هو مصدر سعادة البشر!
مينام سعيدة بحبها لتاي كيونغ (رئيس الفرقة) بس برضو عمرها ماتهنت بحبها له...يعني بالعربي عانت الكثير والكثير
قبل يعرف عن مشاعرها...ولمن عرف عنها وبدأ هو يحبها..لازالت المعاناة تتخلل علاقتهم لانه كثير كانوا يبون يخربون
عليهم مثل المصور اللي بيكتشف حقيقة مينام ومثل ومثل ومثل ..!
متى نشوف مينام وهي تضحك اكثر شي؟

7
7
7
لمن تكون مع جيريمي :)
لانه يضحكها اكثر شي



الحب هو شي اساسي وغذاء عاطفي للروح بس انه في غالب الاحيان تقترن معه المعاناة والشقاء والغيرة ...الخ.
مع مزيد من الصور:

هذه الصورة يظهر فيهاالممثل في موقع التصوير:

طبعا انا قعدت احوس بيوتيوب وبقوقل واكتشفت انه الممثل Jang هذا والممثلة اللي تمثل دور مينام، هم بالفعل قريبين من بعض^^ وشكلهم مره اصحاب بس مو عاد تفكرون تفكير ثاني خخخخ :)

مثلما تشوفون بالصورة تحت:

وعلى فكرة فكرة هذا الممثل هو اللي مثل الفيلم الكوري Baby & Me والدراما بتهوفن فيروس

بس انه شكله مره تغير بالدراما الجديدة هذه خخخخخخ


سؤالي اللي بختم فيه موضوعي هو :

أي الاعضاء في هالدراما اللي تفضلون يكون هو اللي تحبه مينام ؟

1) تاي كيونغ ( رئيس الفرقة )

2) كانغ شين وو (اللي يحب مينام من كل قلبه بس تتركه)

3) جيريمي المرح

الرامن الكوري

قعدت احوووس بالنت ادور لكم صور الرامن الكوري و .....يالله!! المشكلة اني ماتغديت لسه !! انواااااااع الجوع يوم شفت الصور

الرامن الكوري هو بالعربي نودلز او اندومي، بس انه عند الكوريين يضيفون عليه بهارات كثير ويحبون يكثرون الموية شوي فيصير كأنه شوربة ويضيفون عليه ستيك او لحم او هوت دوغ. طبعا الرامن الكوري انوااااع واشكااااااال وله وصفات كثيررررة وبتشوفون صوره تحت:
هذا الرامن مثلما هو واضح في الصورة ضايفين عليه الذرة والزبدة






وهذا الرامن الرامن فيه قطع لحم كبيرة :)


لمن قريت
عن طريقته اكتشفت اني انا اقدر ابدع في النودلز اللي اسويها في بيتنا ^^

يعني دايما اسويها عادية...احيانا احمد ربي لو حسيت بطعم البهارات
احيانا احس ما كأني حاطه بهارات ابد :(

طريقة الرامن اللي نقدر نستلهم منها في صنع النودلز هي :

1) انه اول شي نغلي ماء في القدر...نراعي انه الماء يكون مو كثير مره يعني كوبين ماء افضل شي
ولمن نشوف الماء غلى، نضيف عليه الملح والفلفل والبهارات !!! ايه قبل نحط الرامن او النودلز :)
نضيف على الماء كل الخضار اللي نبي نضيفها او اللحم ....الخ

2) نقسم مكعب النودلز الى نصفين عشان يسهل طبخه ، ونحطه في الماء المغلي

3) نحرك ونحرك ونحرك ولانترك القدر ابد عشان نتأكد ان النودلز تشربت الماء المبهر.

وخلاص :)

تقدمونه وبالهنا والعافيه ^_^








تدرون متى حبيت الرامن صدق صدق من قلللللللللللللللللب ؟؟

شفت مره فرقة سوبر جونيور في برنامج سوبر أدونيس (تقدرون تشوفون في يوتيوب مترجم بس مدري ترجمة عربية ولالا؟)
وواحد من الاعضاء مره قعد يسوي الرامن ^^
بحياااااااااااتي ما اشتهيت النودلز اكثر من ذيك المره :(

*سوبر جونيور فرقة غناء كورية ومشهورررررررررررررة طبعا
والبرنامج هو برنامج واقعي كان عن هالفرقة...حاطين الشباب مع 3 أيتام في بيت واحد
والفرقة ماكانت تدري ان الاطفال ايتام الا بعدين ..ومره كان وناسه البرنامج

* "أغرمت" بـ دونقهي بسبة هالبرنامج خخخخخخخخ

المهم نرجع لموضوعنا ^^

على طاري الطبيخ قلت خليني انزل صورة لأكلة.. أمي مشهورة ومنفردة ومتميزة فيها^^
الاكلة هي اصلا اسمها "فتة" وهي أكله سورية
ماما غيرت الفتة شوي واضافت عليها نكهتها الخاصه...
اللي مايعرف الفتة؟ الفتة من اسمها يعني "تفتيت" ...يتفتت الخبز ويصب عليه اللبن ...النسخة السورية ما اعرفها ^^

فتـــــــــــــــــــــة ماما :
تفتت امي الخبز وتضيف عليه لبن وثوم وبهارات وبصل مقطع شرائح وبليلة :)
البليلة هي اهم شي في الفتة حقت امي
طبعا ع النار تنخلط المكونات سوا ولمن يتقدم الطبق مارح تحسون باللبن لانه الهدف منه انه يلين الخبز ويدمجه مع البليلة.
والوجبة هذه مغذية بس بنفس الوقت تعتبر سناك
وهذه صورة لصحني ^_^

___________________________

الفرقة الكورية FT Island

مدونتي العربية

احس اني اول يوم مدرسة :)


مثلما يقولون دايما "قديمك نديمك" ...أو "من طلع من داره قل مقداره"...رجعت لقديمي : مدونة عربية كما في السابق :)


بدايتي مع التدوين كانت مع مدونة عربية وكانت عامة يعني مدونة غير مخصصة لشيء معين، رغم نجاحها ووجود مساندين لها مثل صديقاتي الحبيبات اللي هم يعرفون انفسهم...واللي واحده منهم اقنعتني اني اسوي مدونة عربية مره ثانيه! احب اشكرهم على مساندتهم, إلا أني تركت التدوين بالعربي وحولتها انجليزي.


ادرس ادب انجليزي وحقلي هو اللغة الانجليزية، قلت احسن شي الغى المدونة العربية وافتح مدونة انجليزية وفعلا هذا اللي صار ! للأسف مالقيت متابعين لاني بكل بساطه ماعرفت أروج لمدونتي في الاوساط اللي ممكن القى فيها قراء للغة الانجليزية.


هذه المدونة العربيه رح تكون غالبا عن الدرامات والفن الاسيوي ....اللي احس انه مجال خصب بالنسبة لي :)
منيره مالقيت لي هواية ثانيه وش اسوي مافي ابتكار عندي :(

طبعا اكييييييييييييييد رح اكتب بعض الاحيان عن مواضيع عامه واحيانا عن مواقف أمر فيها او يومياتي........يعني اتمنى لو تتابعون
^_^


الجامعه مسوية زحمة هالايام....عشان كذا رح أكتب بشكل اسبوعي تقريبا. لكن لو لقيت متابعين رح اتحمس واكتب بشكل اكثر
متابعتكم تكون بالالتحاق الى مجموعة المتابعون اللي تشوفونها على اليمين فووق+ وايضا بوضع تعليقاتكم ورا مواضيعي اللي اكيييييييييييد اكثر من مرحب فيها ^_~

Lee Junki ممثلي المفضل بالعالم كله :